„კანონპროექტმა თავისი ფუნქცია რეალურად შეასრულა. იმაზე მეტადაც კი, ვიდრე მიღების შემთხვევაში შეიძლებოდა მიეღწია. რეალურად ძალიან ბევრი რამ გააშიშვლა. მოხდა აგენტების რეალური ლუსტრაცია ჩვენს ქვეყანაში. ჩვენ რომ კანონპროექტის მიღება გაგვეგრძელებინა, მოხდებოდა რა, პროცესების გათვლა რომ გავაკეთოთ: გაიგზავნებოდა ვენეციის კომისიაში ეს დოკუმენტი. ჩვენ ნათქვამი გვქონდა, რომ შენიშვნებს გავითვალისწინებდით და დააწერინებდნენ აუცილებლად ვენეციის კომისიას, რომ ტერმინი აგენტი არის ცუდი. მიუხედავად იმისა, რომ წარმატებით მუშაობს ეს ტერმინი ამერიკაში. შეიცვლებოდა ეს ტერმინი. ერთადერთი ამ კანონში რჩებოდა ყოველწლიური დეკლარაციის მარტივი ვებ-გვერდი. ეს იყო რეალურად ამ კანონის შედეგი. რეალურად იმ დისკუსიით, რომელიც ჩვენ წარვმართეთ ამ კანონპროექტის გარშემო, მივიღეთ ის, რომ ყველამ გაიგო საზოგადოებაში, რომ აგენტობა პირველ რიგში არის სამარცხვინო და სათაკილო მოვლენა. რა თქმა უნდა, ვერცერთ დიდ ქვეყანას შენ ვერ უსაყვედურებ, რომ შეიძლება უნდოდეს აგენტების ყოლა, მით უმეტეს მცირე ქვეყანაში. ეს არის მათი პრეროგატივა, ეს მათი საქმეა. მაგრამ როდესაც ადამიანი, ქართველი შედის სხვა ქვეყნის სამსახურში, ეს რა თქმა უნდა, აპრიორი არის სათაკილო მოვლენა“, - განაცხადა „ქართული ოცნების“ თავმჯდომარემ ირაკლი კობახიძემ „იმედი LIVE“-ში.
