რამდენიმე საათი რჩება საქართველო-სომხეთის საფეხბურთო ნაკრებების შეხვედრამდე. ვაზგენ სარგსიანის სახელობის სტადიონზე ორივე ქვეყნის ეროვნულმა გუნდებმა მატჩისწინა ვარჯიში გამართეს, მთავარმა მწვრთნელებმა კი მედიის შეკითხვებს უპასუხეს. B ლიგაში ადგილის შესანარჩუნებელ ორმატჩიან პლეი ოფში საქართველოს ნაკრები სომხეთს დღეს ერევანში, ხოლო 23 მარტს თბილისში დაუპირისპირდება. დღევანდელი მატჩი 21 საათზე დაიწყება, შეხვედრის ტელერეპორტაჟს პირველი არხი შემოგთავაზებთ.
