კომპანია “სილქნეტი” ულიმიტო მობილური ინტერნეტის ტარიფებს ზრდის - ამის შესახებ ინფორმაციას კომპანია მისივე ვებგვერდზე ავრცელებს. ინფორმაციის მიხედვით, 27 ივლისიდან აბონენტებს ულიმიტო პაკეტების შეძენა გაუძვირდებათ.
"ერთდღიანი ულიმიტო - ამჟამად არსებული ფასი 1.5 ლარი, 27 ივლისიდან 2 ლარი;
ხუთდღიანი ულიმიტო - ამჟამად არსებული ფასი 6 ლარი, 27 ივლისიდან 7 ლარი;
30-დღიანი ულიმიტო - ამჟამად არსებული ფასი 30 ლარი, 27 ივლისიდან 32 ლარი."– წერია გავრცელებულ ინფორმაციაში.
ცნობისთვის, ასევე კომპანიამ "მაგთი" საკუთარ მომხმარებლებს სატარიფო პირობების ცვლილებების შესახებ ინფორმაცია გაუზიარა, ცვლილება შეეხება მობილურ აბონენტებს, ფიქსირებული ინტერნეტის და ტელევიზიის მომხმარებლებს.
