კახეთში ფრანგული სტუმართმოყვარეობის სტანდარტები ჩამოდის. შუხმან ჯგუფი აანონსებს საერთაშორისო კოლაბორაციას ფრანგულ პრემიუმ ბრენდ Hotels & Préférence-თან.
2026 წლიდან შუხმანის შატო, ვილები და SPA კომპლექსი შეუერთდება ამ მაღალი კლასის საერთაშორისო ქსელს, რაც კახეთს განათავსებს ევროპის წამყვან ღვინის რეგიონებსა და ექსკლუზიურ შატოებს შორის.„საქართველოსა და საფრანგეთს ბევრი საერთო ღირებულება აქვს – და უპირველეს ყოვლისა, ღვინო. ეს პარტნიორობა შუხმანის შატოს განათავსებს ევროპის წამყვან ღვინის დესტინაციების გვერდით და მნიშვნელოვნად გაზრდის კახეთის, როგორც გლობალური ღვინის ტურიზმის ცენტრის, მიმზიდველობას“, – აცხადებს ნუცა აბრამიშვილი, შუხმან ჯგუფის გენერალური დირექტორი. კახეთის რეგიონში, თელავის მუნიციპალიტეტის სოფელ კისისხევში, ალაზნის ველის გულში მდებარე Schuchmann Wines Chateau, Villas & SPA აერთიანებს ავთენტურ ქართულ სტუმართმოყვარეობას თანამედროვე კომფორტთან.
8 ჰექტარზე გაშენებული კომპლექსი მოიცავს:
• სასტუმროსა და ექსკლუზიურ ვილებს
• საკუთარ ღვინის საწარმოსა და ქვევრების მარნებს
• ქართულ რესტორანს, ღვინის ბარსა და დეგუსტაციის სივრცეებს
• ღვინის სპას, ღია და დახურულ აუზებს
• სავარჯიშო დარბაზს, საკონფერენციო დარბაზსა და გასართობ ზონებს
Hotels & Préférence – ფრანგული წარმოშობის პრემიუმ ბრენდი (Louvre Hotels Group-ის ნაწილი) – აერთიანებს 150-ზე მეტ ელეგანტურ, ავთენტურ სასტუმროს მთელ მსოფლიოში. ბრენდი ცნობილია დახვეწილი ელეგანტურობით, ინდივიდუალური მიდგომით, მაღალი სერვისის სტანდარტებითა და ექსკლუზიური გამოცდილებით – განსაკუთრებით მშვიდ, რურალურ დესტინაციებში, სადაც კულტურული მემკვიდრეობა თანამედროვე კომფორტს ხვდება.ამ კოლაბორაციის შედეგად შუხმანის შატო მიიღებს წვდომას Hotels & Préférence-ის გლობალურ სარეზერვაციო სისტემებზე, მარკეტინგულ არხებზე და საერთაშორისო სტანდარტებზე, რაც გააძლიერებს კახეთის პოზიციას, როგორც ერთ-ერთ უმთავრეს ღვინის ტურიზმის მიმართულებას მსოფლიოში. პარტნიორობა ხელს შეუწყობს ადგილობრივი ავთენტურობისა და გლობალური სტუმართმოყვარეობის ჰარმონიულ შერწყმას, რაც ახალ ეტალონს შექმნის საქართველოს ტურიზმის ამ მნიშვნელოვან სეგმენტში.შუხმანის შატო უკვე დღეს ერთ-ერთი ყველაზე პოპულარული ადგილია კახეთში შეხვედრების, ქორწილების, კორპორატიული ღონისძიებებისა და მაღალი დონის დასვენებისთვის – ღვინის, გასტრონომიისა და კულტურის უნიკალური სინთეზით.
შუხმან ჯგუფის შესახებ:
შუხმან ჯგუფი აერთიანებს ღვინის წარმოებას, მევენახეობას, სასტუმრო ბიზნესს, გასტრონომიასა და სპა მომსახურებას. Schuchmann Wines Chateau, Villas & SPA – ეს არის პრემიუმ კლასის ტურისტული კომპლექსი კახეთის გულში, რომელიც გთავაზობთ დაუვიწყარ გამოცდილებას ღვინის მოყვარულთათვის და მოგზაურებისთვის მთელი მსოფლიოდან.
(R)
