საქართველოს პრეზიდენტი სალომე ზურაბიშვილი უკრაინის პრეზიდენტ ვოლოდიმირ ზელენსკის ტელეფონით ესაუბრა. ამის შესახებ ზურაბიშვილი ტვიტერზე წერს.
ზურაბიშვილის თქმით, მან კიდევ ერთხელ დაუდასტურა საქართველოს სრული სოლიდარობა უკრაინელი ხალხის მიმართ.
„ამ ტრაგიკულ დროს უკრაინისთვის და მთელი ევროპისთვის, პრეზიდენტი ზელენსკი სამაგალითო ლიდერია. მთელი საქართველო დგას უკრაინის გვერდით“, – წერს ზურაბიშვილი.
