მშენებლობის ინდექსი თვიურად 0.04%-ით შემცირდა, წლიურ ჭრილში კი, 8.5%-ით გაიზარდა.
სტატისტიკის ეროვნული სამსახურის ინფორმაციით, ივნისში ინდექსის კლება ძირითადად, განპირობებული იყო სამშენებლო მასალებზე ფასების 0.1 პროცენტიანი კლებით, რამაც -0.07 პროცენტული პუნქტი შეიტანა ჯამური ინდექსის ცვლილებაში.
რაც შეეხება წლიურ ჭრილში გაძვირების მიზეზებს, ინდექსის ზრდა, უმეტესწილად, გამოწვეული იყო მშენებლობის დარგში დაქირავებით დასაქმებულთა საშუალო თვიური ნომინალური ხელფასის 25.6 პროცენტიანი ზრდით და სამშენებლო მასალების 3.8 პროცენტიანი გაძვირებით, რამაც შესაბამისად, 4.85 და 2.28 პროცენტული პუნქტი შეიტანა ჯამური ინდექსის ცვლილებაში. ამასთან, 2022 წლის თებერვალთან შედარებით მშენებლობის ღირებულების ინდექსი გაიზარდა 17.2 პროცენტით.
ზრდა წინა წლის ანალოგიურ თვესთან:
- სამშენებლო მასალები - 2.2%;
- ხელფასები - 4.8%;
- მანქანა-დანადგარები - 0.2%.
