ჰიპერმარკეტი "გორგია" სპეციალურ განცხადებას ავრცელებს და წერს, რომ გასული კვირის ბოლოს, როგორც ცალკეულ მაღაზიებს, ისე მათაც შეეზღუდათ გარკვეული პროდუქციის რეალიზაცია და მარკეტებმა პროდუქცია გადაიტანეს საწყობებში.
"გასული კვირის ბოლოს, როგორც ცალკეულ მაღაზიებს, მათ შორის ჩვენც, შეგვეზღუდა გარკვეული პროდუქციის რეალიზაცია.
მარკეტებმა პროდუქცია გადაიტანეს საწყობებში თანამშრომლებისთვის თვალსაჩინო ადგილზე. ამასთანავე, აქტიურად ვმუშაობდით პროდუქციის თაროებზე დასაბრუნებლად, რადგან ჩვენთვის მნიშვნელოვანია, რომ ეს პროდუქცია გახდეს ისევ ყველასათვის ხელმისაწვდომი.
ყველაზე უკეთ, სწორედ თქვენ, ჩვენმა მომხმარებლებმა იცით, რომ ერთადერთ, უპირობო, განვითარების გზად სწორედ ევროკავშირი მიგვაჩნია.
ხოლო, თავისუფალი აზრის გამოხატვის გზაზე, თითოეული თქვენგანის უსაფრთხოება ჩვენთვის ყველაფერზე მნიშვნელოვანია" - ნათქვამია განცხადებაში.
როგორც საინფორმაციო სააგენტო "ბიზნესთაიმს" გორგიას საზოგადოებასთან ურთიერთობის ხელმძღვანელმა განუცხადა, მარაგში არსებული პროდუქცია ხელმისაწვდომია მათი თანამშროლებისთვის.
"ჩვენს მარაგში არსებულ პროდუქციას, რომელიც შესაძლოა ადამიანებს გამოადგეთ თავის დასაცავად აქციაზე, უსასყიდლოდ ვაძლევთ ჩვენივე თანამშრომლებს", - განუცხადა "ბიზნესთაიმს" "გორგიას" საზოგადოებასთან ურთიერთობის ხელმძღვანელმა ნინი ოქროპირიძემ.
