ბიზნესის განწყობის ინდექსი ოთხწლიან მინიმუმზეა, - ამის შესახებ აღნიშნულია ISET-ის კვლევაში.
ანგარიშის თანახმად, მიმდინარე წლის პირველ კვარტალში ბიზნესის განწყობის ინდექსი 8.8 პუნქტით დაეცა და -5-ს გაუტოლდა, რაც ბოლო ოთხი წლის განმავლობაში ყველაზე დაბალი ნიშნულია.
ამასთან, მათივე შეფასებით, რეკორდულად დაბალ დონეზეა მოლოდინების და მიმდინარე მდგომარეობის ინდექსებიც, რაც ბიზნეს-სექტორის პესიმისტურ მოლოდინებსა და უარყოფით მიმდინარე შედეგებს ასახავს.
„მიმდინარე მდგომარეობის ინდექსი 22.4 პუნქტით შემცირდა და -18.6-ს გაუტოლდა, მოლოდინების ინდექსი კი 16.9 პუნქტით შემცირდა და -9.9 შეადგინა.
გასაყიდი ფასების მოლოდინების ინდექსი 6.9-ით გაიზარდა და 20 პუნქტი შეადგინა.
ეს მაჩვენებლები გვიჩვენებს, რომ ბიზნესების წილი, რომლებიც მომდევნო სამ თვეში ვარაუდობენ ფასები მატებას საკუთარ პროდუქტზე გაიზარდა,“ - ვკითხულობთ ISET-ის კვლევაში.
