„ფარმადეპო–ში“ დაზოგვის პროგრამა „სანდო“ დაიწყო. „სანდო“-ს პროგრამაში ჩასართავად საჭიროა ექიმის დანიშნულების წარდგენა, ის მომხმარებელები, რომლებიც დანიშნულებაში გამოწერილ მედიკამენტებს სრულად შეიძენენ ფარმადეპოში, მიიღებენ თანადაფინანსებას ვაუჩერის სახით და ფასდაკლებას სარეცეპტო მედიკამენტებზე. ამის შესახებ საინფორმაციო სააგენტო BUSINESS TIME-ს კომპანიიდან აცნობეს.
მათივე ცნობით, შეძენილი მედიკამენტების ღირებულება თუ იქნება 50 ლარის, მომხმარებელი მიიღებს 5 ლარიან ვაუჩერს. 100 ლარის ღირებულების მედიკამენტების შეძენის შემთხვევაში - 10 ლარიან ვაუჩერს, ხოლო 150 ლარის შემთხვევაში - 15 ლარიან ვაუჩერს.
