რუსეთის ჯარები უკრაინის დედაქალაქს 5 კილომეტრით მიუახლოვდნენ. ინფორმაციას BBC ამერიკის შეერთებული შტატების თავდაცვის უწყების წარმომადგენელზე დაყრდნობით ავრცელებს. რუსი სამხედროები ახლა კიევის ცენტრიდან 15 კილომეტრის მოშორებით არიან, ჩრდილო-აღმოსავლეთიდან მოძრავი კოლონა კი 40 კილომეტრის მოშორებითაა.
უკრაინული მედიის ცნობით, ადგილობრივი დროით დილის 6:10 საათზე რუსმა აგრესორებმა ქალაქ დნიპროს ნოვოკოდატსკის რაიონი დაბომბეს. უკრაინის საგანგებო სიტუაციების სამსახურის ინფორმაციით ავიაიერიში საბავშვო ბაღისა და საცხოვრებელი კორპუსის მიმდებარე ტერიტორიაზე განხორციელდა, ჭურვი მოხვდა ფეხსაცმელების ფაბრიკასაც.
უკვე დასტურდება მინიმუმ ერთი ადამიანის დაღუპვა.
ავიაიერიში განხორციელდა ქალაქ ლუცკის აეროდომზეც, ამის შესახებ ქალაქის მერი იტყობინება. აფეთებებმა დააიზანა გათბობის ქსელი.
ქალაქში აფეთქებებზე ავრცელებს ინფორმაციას ივანო-ფრანკოვოს მერიც. რუსლან მარცინკივის ცნობით, აეროპორტის რაიონში მოძრაობა დროებით შეზღუდულია.
უკრაინული მედიის ინფორმაციით, წყლის გარეშე დარჩა ქალაქი ჩერნიგოვო, გავრცელებული ცნობით ოკუპანტებმა წყლის ქსელი დააზიანეს.
უკრაინული მედია იუწყება, რომ რუსებმა ხარკოვში ბირთვული კვლევის ინსტიტუტი დაბომბეს.
გავრცელებული ინფორმაციით, შენობაში განთავსებულია ექსპერიმენტული ბირთვული რეაქტორი. უცნობია დეტალები დაზიანებების შესახებ.
გაურკვეველია სიტუაცია ჩერნიობილშიც, ატომური ენერგიის საერთაშორისო სააგენტოს ცნობით, კი უკრაინამ ჩერნობილთან ყოველგვარი კომუნიკაცია დაკარგა. ამავე დროს, უკრაინამ გაეროს მისიებიდან 300 სამშვიდობოს გამოყვანა მოითხოვა.
