მალე აბასთუმანში „რუმსის" ახალი სასტუმრო გაიხსნება. სამცხე-ჯავახეთის რეგიონისთვის ამ მნიშვნელოვან პროექტში ამერიკის მთავრობის წვლილიც - $8.6 მილიონიანი ინვესტიციისა და საერთაშორისო სტანდარტების შესაბამისად გადამზადებული თანამშრომლების სახით იქნება.
"ეს ახალი, ეკომეგობრული სასტუმრო 2024 წელს მიიღებს პირველ სტუმრებს, შექმნის 300-მდე მაღალანაზღაურებად სამუშაო ადგილს და მოიზიდავს $3.5 მილიონამდე დამატებით ინვესტიციას.
მხოლოდ ფინანსური განვითარების კორპორაციის მეშვეობით შეერთებულმა შტატებმა 30 წლის განმავლობაში $800 მილიონზე მეტი ინვესტიცია განახორციელა საქართველოში, აბასთუმნის პროექტი კი ერთ-ერთი პირველია, რომელიც დედაქალაქს გარეთ განხორციელდება. ერთი სული გვაქვს, ვიხილოთ დასრულებული პროექტი", - აცხადებენ კომპანია "აარა ჯგუფში".
