Colliers Georgia-ს უძრავი ქონების ბაზრის ყოველთვიური მიმოხილვის მიხედვით, მიმდინარე წლის იანვარ-სექტემბერში, ბათუმში ახალაშენებული ბინებთან მიმართებაში ტრანზაქციების რაოდენობა 36%-ით გაიზარდა, ძველ ბინების შემთხვევაში კი 44%-იანი ზრდა დაფიქსირდა.
ზღვისპირა ქალაქში მედიუმ სეგმენტის ბინებზე მოთხოვნა 50%-იანი, ეკონომ სეგმენტში კი 37%-იანი ზრდა ფიქსირდება, რაც შეეხება პრემიუმ ტიპის ბინებს, მათი ტრანზაქციები 15%-ით გაიზარდა.
ამასთან, უნდა აღინიშნოს, რომ მიმდინარე წლის ბოლო 9 თვის მონაცემებით, ბათუმში საცხოვრებელი ბინებთან მიმართებით ტრანზაქციების რაოდენობა გასული წლის სექტემბერთან შედარებით 37%-ით, 12 094 ერთეულამდე გაიზარდა. ბაზრის ზომა კი 34%-ით 503 მილიონ დოლარამდე გაიზარდა.
მიმოხილვიდან ჩანს, რომ ბათუმში ბინებზე მოთხოვნის ზრდის პარალელურად, გასაყიდი ფართების ღირებულება გასული წლის 9 თვესთან შედარებით დიდად არ შეცვლილა. შესაბამისად, Colliers Georgia-ს უძრავი ქონების აღდგენის სპეციალურ გვერდზე recov.ge ნათქვამია, რომ 2022 წლის 9 თვეში ახალაშენებული ბინების საშუალო შეწონილი გასაყიდი ფასი მხოლოდ 1%-ით გაიზარდა და კვ.მ-ზე 797 დოლარი შეადგინა. ძველ ბინების შემთხვევაში კი 6%-იანი ზრდა დაფიქსირდა და მაჩვენებელი კვ.მ-ზე 666 დოლარს გაუტოლდა.
რაც შეეხება იმას, თუ როგორ დაკორექტირდა ფასი სექტემბერში, ბათუმში მხოლოდ სექტემბერში ახალაშენებული ბინების საშუალო შეწონილი ფასი 14%-ით გაიზარდა და კვ.მ-ზე 886 აშშ დოლარი შეადგინა. ძველ ბინების შემთხვევაში კი 10%-იანი ზრდა დაფიქსირდა და მაჩვენებელი კვ.მ-ზე 678 აშშ დოლარი შეადგინა.
Recov.ge-ს მიხედვით, სექტემბერში, ბათუმში ახალაშენებულ პრემიუმ სეგმენტის ბინებზე მოთხოვნა თითქმის გაორმაგდა და 311 ერთეული შეადგინა. მედიუმ და ეკონომ სეგმენტებში კი შესაბამისად, 55% და 36%-იანი ზრდა დაფიქსირდა.
ბათუმში 2022 წლის სექტემბერში ახალაშენებული ბინების ტრანზაქციების რაოდენობა 51%-ით გაიზარდა, ძველ ბინების შემთხვევაში კი 21%-იანი ზრდა დაფიქსირდა.
2022 წლის სექტემბერში ბათუმში საცხოვრებელი ბინების ტრანზაქციების რაოდენობა გასული წლის სექტემბერთან შედარებით 47%-ით, 1 627 ერთეულამდე გაიზარდა. ბაზრის ზომა კი 57%-ით 74 მილიონ აშშ დოლარამდე გაიზარდა.
