"თბილღვინოს" თანადამფუძნებელი გიორგი მარგველაშვილი ირაკლი კობახიძის ბიზნესთან დღეს დაგეგმილ შეხვედრაზე შექმნილი ვითარებიდან გამოსავალ გზებზე სასაუბროდ მივიდა. ამის შესახებ მან შეხვედრის დაწყებამდე ჟურნალისტებს განუცხადა. მან აღნიშნა რომ Freebusiness-ზე წარმოდგენილი მოთხოვნებს 2200-ზე მეტი კომპანია უერთდება.
"ჩვენ ალბათ ვიკრიბებით იმისთვის, რომ კრიზისიდან გამოსვლის გზებზე ვისაუბროთ. ჩვენ - 2200-ზე მეტი ბიზნესის წარმომადგენელმა გავაკეთეთ ჩვენი განცხადება საჯარო სივრცეში და გამოსავლის გზებიც იქ აღვნიშნეთ. ეს არის დაკავებულების განთავისუფლება და ხელახალი არჩევნები" - განაცხადა გიორგი მარგველაშვილმა.
