"კერძო სექტორის ბევრი მოთხოვნა დავაკმაყოფილეთ, მაგრამ 100%-ით მათი მოთხოვნები ვერ იქნება გათვალისწინებული, ყოველთვის დარჩება რაღაცა საკითხი", - ამის შესახებ ეკონომიკისა და მდგრადი განვიტარების მინისტრმა ნათია თურნავამ რადიო ამესტროს გადაცემა "მაესტროს ბიზნეს თაიმში" განაცხადა.
"მესმის, რომ ბიზნესი მაქსიმალისტია, მაგრამ ვფიქრობ ხედავენ რომ 100% თუ არა 70%-ით მათი მოთხოვნები ყოველთვის იქნება გათვალისწინებული. ალალად გეტყვით, რომ ბიზნესის მხრიდან ღმამაღალი განცხადებები წინა ნეგატიური განწყობის ინერციაა უფრო მეტად, ვიდრე ობიექტური მოცემულობა. ბიზნესი კმაყოფილია საერთო ჯამში იმით, რომ პოზიტიური გეგმა დაისახა, 15-დან თუნდაც შეზღუდულ ფორმატში მუშაობის შესაძლებლობა ექნებათ", - განაცხადა ნათია თურნავამ რადიო მაესტროს ეთერში.
