თითქმის ერთკვირიანი ჩაკეტვის შემდეგ სუეცის არხი თავისფალია და ასობით გემს სურს გავლა. ამას დიდი დრო დასჭირდება და ახალ პრობლემებს მოიტანს. ამის შესახებ ინფორმაციას გერმანული გამოცემა SPIEGEL -ი ავრცელებს.
თითქმის ერთი კვირის შემდეგ საბოლოოდ დადგა ნანატრი დრო სუეცის არხი დღის მეორე ნახევარში სრულიად გაიხსნა. ეს ნიშნავს, რომ მსოფლიოში ერთ-ერთი ყველაზე მნიშვნელოვანი სავაჭრო მარშრუტის გამოყენება კვლავ შესაძლებელია.
ამ დროისთვის საცობები რჩება არხის ჩრდილოეთ და სამხრეთ მისადგომებზე. არხის ადმინისტრაციის მონაცემებით, დაახლოებით 370 გემი ელოდება ორივე შესასვლელს მსოფლიო ვაჭრობის ერთ-ერთ ყველაზე მნიშვნელოვან საყრდენზე გასასვლელად.
“საზღვაო საცოფი განსხვავდება მაგისტრალზე შექმნილი საცობისგან და არა მხოლოდ ზომით. გართულებული ფაქტორია ის, რომ არხში გადასვლა ძალიან სპეციფიკურად არის ორგანიზებული ნორმალური მუშაობის დროს. ის მხოლოდ ნაწილობრივ მოძრავია ორივე მიმართულებით, გემები გადიან შეხვედრის რამდენიმე პუნქტს.”- განმარტავს კრისტიან დენსო გერმანიის გემთმფლობელთა ასოციაციიდან (VDR).
მისივე განმარტებით, 193 კილომეტრის სიგრძისა და 300 მეტრის სიგანის არხზე მოგზაურობას თორმეტი საათი სჭირდება. ჩვეულებრივ, დღეში 50 გემი გადის არხში.
მისივე თქმით, პრობლემას ქმნის მრავალი ფაქტორი, იმიტომ რომ არა მარტო კონტეინერები და შერეული საქონელი ელოდება გადასასვლელს,არამედ როგორც ამბობენ, თერთმეტი რუმინული სატვირთო მანქანა, რომლებზეც ბორტზე 130,000 ცხვარი იმყოფებოდა საცობშია.
ცხოველთა უფლებების დამცველები შიშობენ, რომ ცხვარი შეიძლება დაიღუპოს. რუმინეთის ვეტერინარული ორგანოების ცნობით, უახლოეს დღეებში ბორტზე საკმარისი საკვები და წყალია.
”მიუხედავად იმისა, რომ ხომალდებიდ კონტეინერებზე ბევრი მალფუჭებადი პროდუქტია ახლა პრიორიტეტული უნდა იყოს გემების ცოცხალი ტვირთი,” - ამბობს დენსო.
ამასთან, ასეთი შეფერხებებით გამოწვეული ეკონომიკური ზიანი ძალიან დიდია. BBC- ის ცნობით, გადაკეტილ არხს დღეში 9,6 მილიარდი დოლარის ღირებულების საქონელი ქონდა დაბლოკილი, თუ გადაზიდვის კომპანიები და ხელისუფლება იკამათებდნენ იმაზე, თუ რომელი გემია ყველაზე მნიშვნელოვანი და ამიტომ უნდა ისარგებლონ პირველ რიგში, ეს კიდევ უფრო გაართულებს სიტუაციას.
“როგორც ჩანს, სამხრეთ აფრიკის შემოვლითი არ აღმოჩნდა გამოსავალი. VDR– ს სპიკერმა დენსომ განმარტა, რომ ტურს ექვსი – ათი დღით მეტი დრო სჭირდება და გემები შესაბამისად უფრო მეტ საწვავს მოიხმარენ. გადასასვლელი საშუალოდ 300,000 აშშ დოლარი ღირს, შესაბამისად ამ დროისთვის არ უღირთ საშუალო კონტეინერის გემებს იმ გზით მოძრაობა” - განმარტავს დენსო.
მისივე ვარაუდით, მხოლოდ რამდენიმე დღეში იქნება შესაძლებელი იმის დანახვა, თუ რამდენად ძლიერია საცობი და რაოდენობრივად ზარალი.
შეგახსენებთ, რომ გიგანტურმა გემმა Ever Green-ი სამშაბათს, 23 მარტს, ძლიერი ქარისა და ქვიშის ქარიშხლის გამო მართვის უნარი დაკარგა და სუეცის არხში გაიჭედა. რამაც, სუეცის არხი ბლოკირება გამოიწვია, რომელზეც მსოფლიოს სატვირთო გადაზიდვების 12% -ი მოდის .
