BUSINESS TIME

საინფორმაციო სააგენტო

„საწოლფონდთან დაკავშირებით გარკვეული სირთულეები არსებობს” - მაია ცქიტიშვილი

საქართველოს ვიცე-პრემიერის, მაია ცქიტიშვილის განცხადებით, ამ ეტაპზე ქვეყანაში საწოლფონდთან დაკავშირებით გარკვეული სირთულეები არსებობს.
 
როგორც მან მთავრობის ადმინისტრაციაში გამართულ ბრიფინგზე განაცხადა, ამ დროისთვის საწოლფონდის რაოდენობა მართვადია. თუმცა, დასძენს, რომ მნიშნველოვანია ადგილების დროული გამოთავისუფლება.
 
„ამ ეტაპზე, საწოლფონდის თვალსაზრისით სირთულეები არის ბუნებრივია. ჩვენ ყველამ ვიცით თავისუფალი სივრცეები ბევრი არ არის, თუმცა, საწოლფონდის ეს რაოდენობა ამ ეტაპზე მართვადია. საწოლფონდი არსებობს, ხელმისაწვდომია, თუმცა, ძალიან მნიშვნელოვანი ამოცანა გვაქვს, რომელშიც ჯანდაცვის სამინისტროს თითოეული რგოლია ჩართული, ეს არის დროული გამოთავისუფლება და საწოლ ფონდის სწრაფი მობილობა. ჩვენ არაერთხელ აღვნიშნეთ, რომ მაშინ, როდესაც უცხოეთში ინფიცირებულების 10-15 % საჭიროებს ჰოსპიტალიზაციას, ჩვენ შემთხვევაში ჰოსპიტალიზაციის მაჩვენებელი ინფიცირებულების დაახლოებით 30% არის“, - განაცხადა მაია ცქიტიშვილმა.
316