კომპანია Meta - ონლაინ სოციალური პლატფორმების - Facebook-ისა და Instagram-ის მომხმარებლებს ზოგიერთ ქვეყანაში დროებით საშუალებას მისცემს, განათავსონ ძალადობის ენის შემცველი მოწოდებები რუსებისა და რუსი ჯარისკაცების მიმართ, უკრაინაში შეჭრის კონტექსტში.
რუსეთის ჯარები უკრაინის დედაქალაქს 5 კილომეტრით მიუახლოვდნენ. ინფორმაციას BBC ამერიკის შეერთებული შტატების თავდაცვის უწყების წარმომადგენელზე დაყრდნობით ავრცელებს. რუსი სამხედროები ახლა კიევის ცენტრიდან 15 კილომეტრის მოშორებით არიან, ჩრდილო-აღმოსავლეთიდან მოძრავი კოლონა კი 40 კილომეტრის მოშორებითაა.
უკრაინის პრეზიდენტი, ვოლოდიმერ ზელინსკი ქიმიური იარაღის შესახებ ვიდეომიმარვაში საუბრობს და აღნიშნავს, რომ მის მიწაზე არანაირი მასობრივი განადგურების იარაღი არ შექმნილა.
ნიდერლანდების სამეფოს პრემიერ-მინისტრის, მარკ რუტეს განცხადებით, მნიშვნელოვანია, რომ უკრაინამ მიმართა ევროკავშირში გაწევრიანებას, მაგრამ არ არსებობს გაწევრიანების დაჩქარებული პროცედურა. ამის შესახებ მან ევროკავშირის ლიდერების სამიტის დაწყებამდე ჟურნალისტებს განუცხადა.
დედამიწის შემსწავლელ მეცნიერებათა ინსტიტუტის და სეისმური მონიტორინგის ეროვნული ცენტრის ინფორმაციით, საქართველოში 3 მაგნიტუდის სიმძლავრის მიწისძვრა მოხდა.
