BUSINESS TIME

საინფორმაციო სააგენტო

მაისსა და ივნისში დედაქალაქის სხვადასხვა უბანში ახალი ბინების ღირებულება შემცირდა - კვლევა

მაისსა და ივნისში დედაქალაქის სხვადასხვა უბანში ახალი ბინების ღირებულება შემცირდა. 2020 წლის მაისსა და ივნისში ფასებმა, აპრილში ერთჯერადი ზრდის შემდეგ იკლო. ამის შესახებ საინვესტიციო კომპანია Galt & Taggart-ის დედაქალაქის უძრავი ქონების ბაზრის მიმოხილვაშია აღნიშნული. 
 
„ბინების ფასის ზრდა 2020 წლის აპრილში ერთჯერადი იყო, რაც გაყიდვების ძალიან მცირე მოცულობისა და ერთეული პრემიუმ ტრანზაქციების საშუალო ფასით იყო გამოწვეული”, - აღნიშნულია მიმოხილვაში.
 
„ახალი ბინების ფასი 2020 წლის აპრილში წინა წლის ანალოგიური პერიოდთან შედარებით აშშ დოლარში 8.3%-ით გაიზარდა, ხოლო მაისში 11.3%-ით, ხოლო ივნისში 9.5%-ით შემცირდა. ფასების ცვალებადობა უფრო მაღალი იყო ცენტრალურ უბნებში, ხოლო გარეუბნებში შედარებით სტაბილური.
 
საშუალო შეწონილი გასაყიდი ფასები უბნების მიხედვით 2020 წლის მე-2 კვარტალში შემდეგნაირად შეიცვალა:

• მთაწმინდა 1 346 დოლარამდე (+21% წ/წ)
• ვაკე - 896 დოლარამდე (-6% წ/წ)
• საბურთალო - 790 დოლარამდე (-5% წ/წ)
• ნაძალადევი - 585 დოლარამდე (+7% წ/წ)
• გლდანი - 561 დოლარამდე (+6% წ/წ)“, - ნათქვამია თბილისის უძრავი ქონების ბაზრის მიმოხილვაში.

702