BUSINESS TIME

საინფორმაციო სააგენტო

ნებადართული ეკონომიკური საქმიანობების ჩამონათვალი 34-მდე გაიზარდა

დღეს საკანონმდებლო მაცნეზე გამოქვეყნდა მთავრობის 222-ე დადგენილება, რომელიც ქვეყანაში საგანგებო მდგომარეობის დროს ნებადართული ეკონომიკური საქმიანობების ჩამონათვალს აზუსტებს. ცვლილებები შევიდა “დანართ 2”-ში და მასში არსებული საგამონაკლისო სფეროების სია 32-დან 34-მდე გაიზარდა. კერძოდ ახალ გამონაკლისებს შორის მოხვდა გაზსადენებისა და ლიფტების რემონტი, ასევე სალარო აპარატებისთვის სპეციალური ქაღალდის მიწოდება. ასევე დაზუსტდა ზოგიერთი სფეროს აღწერა. მათ შორისაა სამთო-მოპოვება, თუ ადრე მხოლოდ მოპოვებითი საქმიანობა იყო ნებადართული, ახლა მას მოპოვებული პროდუქციის რეალიზაციაც დაემატა.
 
34 საგამონაკლისო ეკონომიკური საქმიანობა, რომელიც მთავრობის ახალი დადგენილებით არის განსაზღვრული:
 
1 სასარგებლო წიაღისეულის მოპოვება, გადამუშავება, სამთომოპოვებითი მრეწველობა და კარიერების დამუშავება, ასევე მიწოდება/რეალიზაცია
2 შენობების და ნაგებობების მშენებლობა (მხოლოდ საქართველოს მთავრობის მიერ განსაზღვრული მეწარმე სუბიექტებისთვის)
3 სამოქალაქო მშენებლობა (მხოლოდ საქართველოს მთავრობის მიერ განსაზღვრული მეწარმე სუბიექტებისთვის)
სპეციალიზებული სამშენებლო სამუშაოები (მხოლოდ საქართველოს მთავრობის მიერ განსაზღვრული მეწარმე სუბიექტებისთვის)
5 საშენი მასალის წარმოება/საბითუმო ვაჭრობა (მხოლოდ საქართველოს მთავრობის მიერ განსაზღვრული მეწარმე სუბიექტებისთვის)
6 თამბაქოს ნაწარმის წარმოება და ვაჭრობა (გარდა  სპეციალიზებული სავაჭრო ჯიხურებისა)
7 სასტუმროები და განთავსების სხვა საშუალებებით უზრუნველყოფის საქმიანობები (მხოლოდ საკარანტინო მიზნებისთვის)
8 სატრანსპორტო (საავტომობილო, სარკინიგზო, საჰაერო, საზღვაო) სატვირთო გადაზიდვები და სხვა მასთან დაკავშირებული მომსახურებები
9 სადეზინფექციო, ჰიგიენური და ქიმიური საშუალებების წარმოება და საბითუმო რეალიზაცია
10 პირბადეების, პირადი დაცვის საშუალებების, სპეცტანსაცმლის, სპეციალური დაცვითი საშუალებების და ეკიპირების წარმოება/მიწოდება
11 ტექსტილის რეცხვა და ქიმწმენდა
12 სატელევიზიო პროგრამების წარმოება და ტელემაუწყებლობის საქმიანობები
13 საფოსტო და საკურიერო მომსახურება
14 საგამომცემლო საქმიანობა (პრესის ბეჭდვა)
15 ტელერადიომაუწყებლობა, ელექტრონული კომუნიკაციები
16 IT და სერვერული ინფრასტურქტურის და უსაფრთხოების სისტემების მხარდაჭერა (დისტანციურად)
17 საინფორმაციო სამსახურების საქმიანობა (მათ შორის ბიზნეს პროცესების აუთსორსინგი) (დისტანციურად)
18 სადაზღვევო და სალიზინგო საქმიანობა (დისტანციურად)
19 ტექნიკური გამოცდები და ანალიზები; აკრედიტებული საგამოცდო და საკალიბრებელი ლაბორატორიები, პროდუქტის სერტიფიკაციის ორგანოები და ინსპექტირების ორგანოები
20 სარეკლამო სააგენტოების საქმიანობა (დისტანციურად)
21 სააღრიცხვო, საბუღალტრო და სააუდიტო საქმიანობები; საგადასახადო კონსულტირება (დისტანციურად)
22 საკონსულტაციო საქმიანობები ბიზნესის და მართვის სხვა საკითხებში
(დისტანციურად)
23 არქიტექტურული საქმიანობები (დისტანციურად)
24 იურიდიული მომსახურება (დისტანციურად)
25 შენობების საერთო დასუფთავება და დეზინფექცია
26 დაკრძალვა და მასთან დაკავშირებული საქმიანობები
27 სახანძრო და უსაფრთხოების სისტემის ტექნიკური მომსახურება
28 24-საათიანი  სპეციალიზებული დაწესებულებები (ბავშვთა სააღმზრდელო, დედათა და ბავშვთა, შშმ, ხანდაზმულთა, ძალადობის მსხვერპლთა პანსიონატები/თავშესაფრები/დაწესებულებები)
29 არბიტრაჟი და მედიაცია (დისტანციურად)
30 ტერიტორიის მომსახურების საქმიანობები (გამწვანება, მორწყვა, მოვლა)
31 ვაჭრობა კომპიუტერებით, კომპიუტერული პერიფერიული მოწყობილობებით და პროგრამული
უზრუნველყოფით (დისტანციურად)
32 ვაჭრობა ტელესაკომუნიკაციო მოწყობილობებით და ნაწილებით (დისტანციურად)
33 საკონტროლო-სალარო აპარატების ჩეკის დასაბეჭდი ქაღალდის/რულონის მიწოდება
34 მომეტებული ტექნიკური საფრთხის შემცველი ობიექტების (მათ შორის ლიფტი,
გაზსადენი და სხვა) შეკეთება/რემონტი
1223