BUSINESS TIME

საინფორმაციო სააგენტო

„RYANAIR“ ქუთაისის და თბილისის საერთაშორისო აეროპორტებიდან ნოემბრიდან იფრენს

საქართველოს მთავრობის ადმინისტრაციაში ქართულ მხარესა და ირლანდიურ დაბალბიუჯეტიან ავიაკომპანია „რაინეარს" შორის ურთიერთთანამშრომლობის შესახებ ხელშეკრულება ოფიციალურად დღეს გაფორმდა. 

 
როგორც საქართველოს აეროპორტების გაერთიანების ხელმძღვანელმა გიორგი ჩოგოვაძემ ჟურნალისტებს განუცხადა, „RYANAIR“ ქუთაისის და თბილისის საერთაშორისო აეროპორტებიდან ნოემბრიდან იფრენს. 

მხარეებს შორის შეთანხმება 12 მიმართულებაზე მოხდა, რომელზეც ოპერირებას ავიაკომპანია სამომავლოდ განახორციელებს.

„ხელი მოვაწერე თანამშრომლობის ხელშეკრულებას, რაც წარმატებული დასასრულია იმ ინტენსიური მოლაპარაკებებისა, რომელსაც ბოლო თვეებში ვაწარმოებდით მსოფლიოში უმსხვილესი დაბალბიუჯეტიანი ავიაკომპანია RYANAIR-თან. უკვე ნოემბერში „რაინეარი“ პირდაპირ რეისებს დაიწყებს ქუთაისის და თბილისის საერთაშორისო აეროპორტებიდან. (თბილისი-მილანი; ქუთაისი-მარსელი; ქუთაისი-ბოლონია)", - განაცხადა ჩოგოვაძემ.
216